Американската економија 100 отсто оди кон рецесија во следните 12 месеци, според економскиот модел смислен од двајца економисти на Блумберг врз основа на 13 неодредени финансиски показатели.
Ова е во целосна спротивност со пораките на американскиот претседател Џо Бајден во пресрет на изборите во ноември, пренесува Индекс.
Таа прогноза е многу лоша вест за Бајден, кој тврди дека САД ќе избегнат рецесија и дека ако се случи, ќе биде блага. Со ова тој сака да ги увери граѓаните дека економијата добро оди под неговата администрација. Но, зголемувањето на каматните стапки и инфлацијата ги демантираат неговите тврдења.
Економијата е главното политичко прашање за Американците во моментов, покажуваат анкетите. Информациите дека САД ги очекува рецесија ќе им наштети на демократите, ќе го ослабне влијанието во Сенатот и во Претставничкиот дом, а со тоа и на самиот Бајден.
Иако податоците за вработеноста се многу добри, зголемената инфлација сè уште е најголемата грижа на просечниот граѓанин на САД.
