120 училишни ранци и комплет училиштен прибор добија децата од згрижувачки семејства во Скопје. Донацијата е од ректорот на Универзитет Скопје, проф. д-р Аце Миленковски, а организацијата на настанот беше со директна поддршка на заменик-министерот за труд, демографија и млади, Ѓоко Велковски и градоначалникот на Општина Гази Баба, Бобан Стефковски.
Настанот се одржа на плоштадот во Општина Гази Баба во чест на почетокот на новата учебна година.
Ректорот на Универзитет Скопје, проф. д-р Аце Миленковски на првачињата им порача да учат бидејќи образованито ќе ги направи посилни.
МИЛЕНКОВСКИ: Образованието е најважната работа. Да сте образовани, значи да сте силни. Слушајте ги родителите, наставниците, учете и дружете се.
Заменик-министерот за труд, демографија и млади, Ѓоко Велковски и градоначалникот на Општина Гази Баба, Бобан Стефковски, му се заблагодарија на Универзитетот Скопје за поддршката и демонстрираната општествената одговорност.
Универзитетот Скопје секогаш е директна поддршка за најранливите категории деца!
