Науката ги има одговорите на глобалните предизвици, нејзино е да ги сподели со политичарите и со Владите, а тие треба да слушаат! Ова е една од пораките на академската фела на меѓународната конференција „ICON BEST 2024“ која се одржа на Универзитетот Скопје. Меѓу говорниците на овој престижен настан беа докажани професионалци од регионот и од Европа, меѓу нив и проф. д-р Горан Бандов, г-дин Луј Башур, како и проф. д-р Зоран Ивановски, проректор за наука и развој на Универзитетот Скопје.
„Во повеќе од 9 сесии посветени на економијата, претприемништвото, дигитализацијата, маркетингот и човечките ресурси, истакнати домашни и меѓународни експерти и универзитетски професори ги изложија своите иновативни истражувања и резултати“, порача проректорот Ивановски.
Проф. д-р Зоран Ивановски, проректор за наука и развој на Универзитетот Скопје.
Денеска знаеме и треба да градиме образование за 21-от век, смета академската заедница.
„Светот се соочува со глобални проблеми. На оваа конференција науката ќе го даде својот придонес за нивното надминување за да го поттикне глобалниот развој“, рече проф. д-р Горан Бандов од Хрватска.
Проф. д-р Горан Бандов, професор по меѓунеродни односи и дипломатија од Хрватска.
Според глобалните истражувања, се очекува во 2027 повеќе од 30% од работните места да бидат заменети со машини, и токму затоа е неопходно партнерството меѓу образовните и бизнис-институциите.
„Најважно во една држава е градењето на партнерство меѓу образовните институции и бизнис-секторот бидејќи на тој начин се гради едно стабилно општество, со сигурна иднина“, истакна проф. д-р Миглена Темелкова, ректор на Универзитетот за телекомуникации и пошти во Софија.
Проф. д-р Миглена Темелкова, ректор на Универзитетот за телекомуникации и пошти во Софија, Бугарија.
УТМС како високообразовна, научна и општествено одговорна институција на заеднички настан донесе реномирани професори кои ги споделија своите академски искуства.
