Универзитетот за туризам и менаџмент е високообразовна институција која во текот на своето седумнаесетгодишно егзистирање успеа да се позиционира како современ, препознатлив, уникатен и конкурентен бренд во сферата на високото образование. Тоа е резултат на посветената, упорна и напорна работа на академскиот кадар во сите сегменти на функционирањето.
Успешноста и одржливоста на позиционираноста како бренд ја постигна благодарение на проактивното, визионерско лидерство на ректорот, проф. д-р Аце Миленковски, кој од основањето на Факултетот за туризам, фанатично и ентузијастички ги инкорпорираше вредностите и принципите на високото образование што се применуваат на престижните светски универзитети. Пред сѐ, фокусот беше ставен на обезбедување целосен квалитет во наставно-научната дејност со доследна примена на методологијата на студирање според кредит-трансфер системот на Болоњската декларација.
Процесот на креирање и промовирање на иновацијата започна кога во високото образование во Македонија, универзитетите работеа по методологии што се инкомпатибилни со меѓународните образовни стандарди. Првата генерација студенти во текот на студиите ја препознаа различноста во однос на непристрасноста и објективноста во мерењето и во оценувањето на знаењата. Нивното задоволство од наставата, како и од пристапот на професорите и на асистентите во процесот на учење и на подучување, беше движечкиот агенс и потврда на заложбите на факултетот за стекнување квалитетни и применливи знаења, со кои ќе бидат конкурентни на пазарот на трудот.
Универзитетот за туризам и менаџмент од самиот почеток ја промовираше иновацијата за реализација на практична настава во текот на студирањето. Таа обврска надлежните институции ја интегрираа во високото образование многу години подоцна. По дипломирањето на првата генерација, Факултетот за туризам прерасна во универзитет, во чиј состав функционираа шест факултети. Тоа беше период на длабински и интензивни екстерни општествено-политички, економски и техничко-технолошки промени, кои неминовно наметнуваа потреба од следење на промените и нивно интегрирање во образованието.
Покрај перманентното подобрување на наставата, фокусот беше ставен и на примена на дигиталните технологии во интерните и во екстерните комуникациски процеси. По претходно истражување и поставување бенчмаркови во однос на примената на информатичко-комуникациската технологија, Универзитетот пристапи кон иновирање преку креирање софтвер со интерен и со екстерен портал за брзо и навремено споделување информации помеѓу вработените и студентите, како и користење на социјалните медиуми за промовирање и споделување добри практики.
Истовремено, Универзитетот ја препозна потребата од етаблирање во меѓународната научна јавност. За таа цел го креираше научното списание UTMS Journal of Economics, кое со текот на годините влезе во престижни бази на научни списанија, и го организираше меѓународниот конгрес ICONBEST. Од денешна перспектива, Универзитетот инвестираше во креирање и имплементирање систем на вредности во високото образование кои за другите универзитети беа непознаница, и со тоа се промовираше како лидер во високото образование со препознатлив квалитет и со меѓународно призната диплома. Иновациите што ги промовираше го позиционираа како уникатен, современ и модерен универзитет.
Паралелно со градењето на својот интерен капитал, кој е приоритетен и неопходен за образованието и студентите, Универзитетот креираше и стратегија за корпоративно брендирање, во функција на градење врски и партнерски односи со студентите и со другите општествени чинители, креирајќи свесност за брендот на Универзитетот, како и за неговите особености што го диференцираат од конкуренцијата. Универзитетот е препознатлив преку изборот и дизајнот на елементите на брендот што го изградија уникатниот и оригинален идентитет на брендот. Визуелно е препознатлив преку нијансите на сината боја, која е симбол на интелектот, интегрирана во логото, екстериерот и ентериерот на универзитетот. Во сетот идентитетски елементи на брендот е и химната „Мојот универзитет“, како и видеозаписот за неа, интерпретирана од познати музички ѕвезди, кои истовремено беа и бренд-амбасадори на Универзитетот. Слоганот „Едноставно најдобри“ ја отсликува едноставноста на комплексноста што ја менаџира Универзитетот според строго дефинирани стандарди, што придонесува за успехот и за препознатливоста. Воден од желбата за понуда на иновативна образовна услуга на пазарот, ректорот и неговиот тим, во континуитет го менаџираа брендот, почнувајќи од истражување на состојбите на пазарот, лансирањето на брендот, управувањето со животниот циклус на брендот со цел создавање и зголемување на вредноста и капиталот на брендот. Во тој процес перманентно се додаваа вредности на брендот, кои со примена на маркетиншки алатки беа пласирани до актуелните и до потенцијални студенти. Тоа продуцираше сатисфакција кај студентите, а нивното позитивно искуство и задоволство од системот на вредности ја детерминираа високата, конкурентска позиционираност на Универзитетот. Тоа е резултат на интензитетот и на моќта на брендот да воспостави ефикасна комуникација и интеракција со актуелните, но и со потенцијалните студенти, да влијае врз креирањето на нивната когнитивна и емотивна мапа преку промотивни активности што предизвикуваат импресии и емотивни реакции.
Моќта на брендот на Универзитетот допира не само до разумот туку и до срцата на студентите, кои за време на студиите, но и по дипломирањето се амбасадори на брендот, промовирајќи го свесно или спонтано во приватната и во деловната средина во која егзистираат. Управувањето на брендот е битен фактор што влијае врз имиџот на брендот, но и врз имиџот и репутацијата на Универзитетот. Затоа, вработените како бренд-амбасадори континуирано преземаат активности за подобрување на професионалните перформанси на Универзитетот, кои значително влијаат врз зголемување на капиталот на брендот, освојување на нови и задржување на постојните целни пазари, воспоставување квалитетни односи со деловните партнери, градење на лојалноста на студентите кон брендот преку исполнување на нивните барања и на очекувањата од брендот. Во своето долгогодишно функционирање, Универзитетот успеа да креира и да промовира концепт на бренд што е уникатен и препознатлив во јавноста, со атрибути што најдобро го опишуваат, но и да лансира силна порака за вредноста и за придобивките што ги обезбедува за студентите.
Концептот на брендот Универзитет за туризам и менаџмент ги содржи атрибутите, емоционалните сатисфакции, вредностите според кои е персонализиран и препознатлив во јавноста. Особено е важно дека брендот од проактивен аспект ги дефинира предизвиците на неговата вредност, неговите различности од другите брендови како и стратегиите со кои успешно се позиционира во свеста на актуелните и на потенцијалните студенти. Универзитетот се позиционира како бренд што влијае врз свеста, креирајќи комплексен сет на перцепции, импресии и емоции што студените ги имаат во однос на конкурентските брендови.
Во однос на другите универзитети, Универзитетот за туризам и менаџмент како бренд зазема конкурентна позиција во менталната мапа на интерните и на екстерните чинители, што е резултат на нивното рангирање врз основа на вредностите, т.е. карактеристиките на брендот. Универзитетот креира и промовира идентитет и имиџ на брендот што моќно влијае врз когнитивната мапа на корисниците на услуги за вредноста на капиталот на брендот што им ја нуди. Тоа е бренд што успеа цврсто да се позиционира во свеста на студентите и на другите чинители, што придонесува за позиционираноста на Универзитетот во нивната менталната мапа.
Од стратешки аспект, истражувањата на пазарниот сегмент придонесува за идентификување на карактеристиките, т.е. димензиите на брендот што потенцијалните корисници на услуги ги оценуваат како значајни за нив. Тој психолошки ефект придонесе за диференцијација на услугите според спецификите на одделните целни сегменти. Динстинктивните признаци на брендот го дизајнираа неговиот имиџ. Тоа се димензиите според кои Универзитетот и неговиот бренд се позиционираат во свеста на актуелните и на потенцијалните студенти. За таа цел, универзитетот презема активности за прецизно одредување на нивото на позиционираност на брендот преку мултидимензионални мерења, кои се еден вид процедури што овозможуваат просторно претставување на различни елементи што влијаат врз однесувањето на корисниците на услугите.
Перцепциите и преференциите се феномени од кои највеќе зависи позиционираноста на брендот во свеста на студентите. На тој начин, разликите и сличностите меѓу одредени конкурентски брендови создаваат мултидимензионален простор на имиџот, т.е. мапа на перцепции. Мапа на перцепциите како сет на клучните вредности и атрибути на услугата и перцепциите или верувањата на студентите, односно визуелното сумирање на димензиите што потенцијалните студенти ги користат за перципирање и оценување на услугата, и идентификација на позицијата на конкурентските брендови врз основа на тие димензии, универзитетот успешно ги синхронизира. Како резултат на стратешко и планирано дејствување кон репозиционирање на брендот, тргнувајќи од истражување на пазарните позиции на конкурентските брендови, универзитетот перманентно ги подобрува својот имиџ и својата позиционираност. Во тој процес, мапата на перцепции е релевантен факт за нивото на позиционираност на брендот што го постигнува со редизајнирање на понудата, односно инструментите на маркетиншкиот микс, со примена на активности што придонесуваат да се креира посакуван, дистинктивен имиџ, кој се позиционира конкурентски во рамките на мултидимензионалниот простор, т.е. перцептивната мапа на актуелните и на потенцијалните целни групи.
Универзитетот за туризам и менаџмент е моќен бренд, кој со континуирано интегрирање на институционални иновации го зголемува капиталот на брендот, со што ја обезбедува својата конкурентска позиционираност на пазарот на образовни услуги.
