Во современиот деловен пејсаж доминантен фокус на конкурентните економии е коматибилност на инвестициите во технолошки капитал со стратешката перспектива за целосна примена на современите технологии. Овој факт ги насочува компаниите кон диверзифицирање на инвестициите низ портфолио од неколку технологии, интензивирајќи го нивниот фокус на области кои ќе ги поместат технолошките граници на повисоко ниво. Иако многу технологии одржуваат внимателни инвестициски профили во текот на 2024 година, генералната вештачка интелигенција забележа седум пати зголемување на инвестициите, поттикнато од значителниот напредок во генерирањето текст, слики и видеа. Иновациите се интензивираа во три трендови кои се дел од „AI револуција“: генератор на вештачка интелигенција, применета вештачка интелигенција и индустријализирање на дигиталното учење. Во тој глобален, хибриден деловен свет Генерацијата Z го креираше својот когнитивен и емоционален код. Таа се моделира во временски интервал помеѓу Генерацијата Милениум и Генерацијата Алфа. Идентитетот на Генрацијата Z е формиран под влијание и доминацијата на дигиталната ера, климатската анксиозност и променливите финансиски состојби. Тие се познати како „дигитални домородци“, прва генерација која растеше и се профилираше под интензивно влијание на информатичко-кмуникациската технологија. На глобално ниво, Генерацијата Z експоненцијално се зголемува на што укажуваат егзактните проекции според кои таа ќе сочинува една четвртина од населението до 2025 година. Поради овој факт фокус на истражувања и анализи на социјалните научници е оваа генерациската промена која промовира уникатни индивидуи со иновативен генерички код, вредности, однесувања и проекции за иднината. Заедничките карактеристики што ги споделуваат припадниците на таа генерација се нивното онлајн присуство, работа во витруелна средина, онлајн купување и социјални интеракции преку интернет. Тоа е генерација која преферира максимално присуство и користење на дигиталните алатки за мобилно плаќање, користење на услуги базирани на апликации и едноставни онлајн трансакции. За таа цел корпоративните брендови се реструктуираат за да одговорат на барањата, потребите и очекувањата на Генерацијата Z за извонредно искуство за купување преку интернет. Некои брендови станаа конкурентни преку нивното лансирање и позиционирање на интернет, поддржано од потрошувачите на Генерацијата Z. Поради тоа корпорациите преферирааат примена на дигиталниот маркетинг за реклами кои се присутни во виртуелниот свет што овозможува Генерацијата Z да ги доживува брендовите „во секој момент“ додека се движат низ нивниот дигитален и физички свет. Истражувањата покажуваат дека на дневно ниво тие поминуваат шест часа на смарт телефоните. Тие се обраќаат и комуницираат на интернет кога им е потребна информација од секаков тип. Се движат во виртуелни среднини помеѓу сајтови, апликации и социјални медиуми, при што секој дизајнира различен дел од нивниот онлајн екосистем. Формирани како личности кои интензивно ги користат социјалните медиуми, тие се препознатливи по своето онлајн јас, насочени кон трендовите на анонимност и персонализираност. Социјалните медиуми им овозможуваат независно самоизразувањето и градење на хетерогени социјални врски и интеракции. Присуството на интернет и конзумирањето на онлајн медиуми, особено на социјалните медиуми за споделување видеа бележи голем пораст. Од нив највлијателен е TikTok кој владее со трендовите, емоциите и културата на Генерацијата Z. Тие се карактеризираат со нов вид на идеализам, тие се дел од новиот сегмент на „инклузивни потрошувачи“ и социјално прогресивни сонувачи, насочени кон решавање на проблемите со климатските промени и воспоставување на поголема еднаквост за сите. Тоа е генерација која колективно бара цел и одговорност, создавање на повеќе можности за луѓе со различно и недоволно застапено потекло и бескомпромисни одржливи, зелени практики. Како резултат на глобалните промени се генерира нова парадигма на генерациските вештини за вештачка интелигенција, редизајн на стратегијата за таленти и мотивација за извонредни деловни перформанси потикната од нов тип на лидерство.
Во тој комплексен виртуелен свет, Генерацијата Z афирмира нов вредносен систем кој ги промовира ставовите за надминување на секој вид на дискриминација и обезбедување на економска, политичка, социјална и еколошка одржливост. Тие се индивидуи со високо ниво на прагматичност со комплексен идеализам и свест за иднината. Идеализмот го проектираат преку фанатичен активизам за градење на успешна кариера во нестабилно економско деловно опкружување, енормна инфлација и финансиски проблеми. Во тој свет Генерацијата Z инсистира на етичка одговорност од бизнисот за одржливост и општествено одговорно делување. Нивниот активизам е насочен кон воведување на промени кои се моделирани под влијание на дистинктивната перцепција за деловниот свет кои се рефлексија на последиците од глобалната пандемија, некотролираната инфлација, геополитички конфликти и климатски промени.
Муцунска-Палевска: „Генерацијата зет афирмира нов вредносен систем кој ги промовира ставовите за надминување на секој вид на дискриминација и обезбедување на економска, политичка, социјална и еколошка одржливост.“
Егзактните емпириски истражувања дефинираат индикатори според кои вработените од Генерацијата Z имаат поголема можност да добијат независни работни места или да работат пар тајм на повеќе работни места. Иако манифестираат високо ниво на ентузијазам за градење на успешна кариера, тие се скептични во однос на решавање на проблемот со глобалната финансиска несигурност што генерира изразит песимизам за можноста за обезбедување на финансиска независност и стабилност за квалитетен живот. Како генерација посветена на своите вредности, Генерацијата Z го очекува истото од компаниите. Тие најчесто се одлучуват да купуваат брендови кои имаат силна, импресивна приказна или цел, како и оние кои се посветени на зелени практики. Според студија на McKinsey, 73 проценти од Генерацијата Z изјавиле дека се одлучиле да купуваат од компании што ги сметаат за етички, а девет од десет веруваат дека компаниите имаат одговорност во решавањето на еколошките и социјалните проблеми. И покрај предизвикувачките бизнис услови, континуираните инвестиции во дигиталните технологии проектираат значителен раст во одлуките на команиите за нивно интегрирање и примена.
Генеративната вештачка интелигенција е доминантен тренд со енормен пораст на интерес за инвестиции во оваа технологија што генерира иновативни можности низ меѓусебно поврзаните трендови како што се роботиката и извонредната реалност. Базичните индикатори засновани на оптимизам, иновации и долгорочни потреби за таленти одразуваат позитивна траекторија во однос на технолошките трендови. Иновативниот виртуелен еко систем во кој се образува и работи Генерацијата Z генерира потреба од нови вештини за вештачка интелигенција, што ја наметна потребата од редизајнирање на стратегијата за таленти. Трендовите за големи инвестиции и иновации, како што е генерирана вештачка интелигенција, ги зголемија потребите за нови вработувања, што ја одразува големата побарувачка за нови и напредни вештини. Актуелните анализи во однос на побарувачката на компетитивни таленти за технолошки трендови дефинира индикатори за потреба од учење за стекнување на нови знаења за 21-от век. Според тоа фундаменталните вештини што се потребни во економијата на знаење за постигнување високо ниво на успех сега и во иднина (2024-2030 година) се: асинхронизирано работење, поттикнување, сајбер безбедност, градење личен бренд, вештини за онлајн пишување, адаптибилност и фокусираност. Овој сет на лични вештини е предуслов за напредување во кариера или водење на свој бизнис. Во таа насока OECD во стратешкиот проект „Учење и вештини до 2030“ ја проектира иднина на образованието и вештините до 2030 година чија цел е да изгради заедничко разбирање за знаењата, вештините, ставовите и вредностите што им се потребни на студентите во 21-от век преку споделување и продуцирање на нови знаења за идниот дизајн, имплементација и евалуација на наставните програми. Тие треба да обезбедат можности студентите да се едуцираат и да бидат подготвени за работни места кои сè уште не се отворени, да се справат со општествените предизвици кои сè уште не можеме да ги замислиме и да користат технологии кои сè уште не се измислени. Исто така треба да умеат да напредуваат во меѓусебно поврзан свет каде што треба да ги разберат и да ги вреднуваат различните перспективи и погледи на светот, респектабилно да комуницираат и да преземат одговорна акција кон одржливост и колективна благосостојба. Проектот „Иднината на образованието и вештините 2030“ (Образование 2030, транзиција кон образование 2040 година) има за цел да ги поддржи земјите во адаптирањето и редизајнот на нивните образовни системи со разгледување на видовите компетенции за 21 век (знаење, вештини, ставови и вредности) кои им се потребни на студентите и наставниците за да напредуваат во иднина. За таа цел, Проектот промовира фокус на „Учење и настава за 2030 година“ за поддршка на креаторите на политики да развијат и имплементираат политики за подобрување на образовните системи со интегрирање на дигиталната трансформација и Вештачката интилигенција во образовните стратегии. Тоа вклучува и промовирање на управувањето и ефективно дизајнирање на системи за доживотно учење кои одговараат на променливите потреби на пазарот на трудот и бизнисот.
